Donald Ngoma.
Sweetbert Lukonge, Zanzibar
KILA lenye mwanzo lina mwisho wake, hivyo ndivyo unavyoweza kusema
baada ya wachezaji wawili wa kimataifa wa Yanga, Wazimbabwe, Donald
Ngoma na Thabani Kamusoko kutengwa klabuni hapo.
Hivi sasa wachezaji wao kila moja wao anapofunga bao, wamejikuta
wakishangilia peke yao bila ya kupata sapoti ya wenzao. Wamekuwa
wakishangilia kwa staili ya kushikana mabega huku wakiwa wameunganisha
vichwa vyao na kuinama kidogo.
Siku za hivi karibuni staili hiyo ya ushangiliaji wa wachezaji hao
ilizua gumzo jijini Dar es Salaam kutokana na kujadiliwa mara kwa mara
katika mitandao mbalimbali ya kijamii.
Hata hivyo, visiwani hapa pia iliibua gumzo kwa mashabiki wa soka
siku ambayo Ngoma aliiwezesha Yanga kuibuka na ushindi wa mabao 3-0
ilipocheza dhidi ya Mafunzo FC ambapo walishangilia kwa staili hiyo,
hali iliyosababisha wachezaji hao kutengwa na wenzao.
Akizungumza na Championi Jumatatu jana,
mmoja wa wachezaji wa Yanga ambaye aliomba kutotajwa jina lake
gazetini, alisema kuwa wamefikia hatua hiyo ili kuepukana na balaa la
kuchafuliwa katika mitandao ya kijamii na watu wenye upeo mdogo na
mitazamo michafu.
“Hivi sasa kila wanapofunga sisi tunashangilia nao kama kawaida
lakini ile staili ya kushikana mabega na kuunganisha vichwa huku tukiwa
tumeinama tumewaachia wenyewe.
“Tumekuwa tukichafuliwa sana katika mitandao ya kijamii hivyo tumeona
tuwaachie wao ila sisi tutakuwa tukishangilia nao kawaida mpaka hapo
watakapokuwa wamepata staili nyingine,” alisema mchezaji huyo.
0 comments:
Post a Comment