PATORANKING Ndani ya Jiji la Dar Nov. 27

Mkurugenzi Mtendaji wa Kampuni ya Bronxy, Alma Salum akiwa na Finance Manager, Isaya Christopher wakiongea na waandishi wa habari (hawapo pichani).

Alma Salum akiangalia kitu kwenye karatasi huku akizungumza na waandishi wa habari.

 

Staa wa Ngoma ya My Woman My Everthing, Patrick Nnaemeka Okorie ‘Patoranking’.

Alma akizungumzia shoo hiyo.

Waandishi wa habari wakifuatilia.

akielekeza kitu.

STAA wa Ngoma ya My Woman My Everthing, Patrick Nnaemeka Okorie ‘Patoranking’ anatarajiwa kuangusha bonge la shoo la kihistoria Novemba 27, mwaka huu ndani ya Fukwe za Escape 1, Mikocheni jijini Dar.

Akizungumza na waandishi wa habari mchana huu, Mkurugenzi Mtendaji wa Kampuni ya Broxy Entertainment ambao ndiyo waandaaji wa shoo hiyo, Alma Salum alisema kuwa hii itakuwa ni mara ya pili kwa staa huyo kutua katika jiji la Dar baada ya kufunika katika shoo ya Fiesta msimu uliopita.

“Tumeamua tuwape burudani ya funga mwaka mashabiki wote wa muziki nchini na kila mtu anajua kwa sasa, Patoranking ndiyo habari ya mjini kila kona kutokana na kukubalika na nyimbo zake kama vile My Woman, Daniella Whine na nyingine nyingi.
“Awali ilikuwa tumlete Tekno Miles lakini kutokana na kuwa na shoo tarehe hiyohiyo tuliokuwa tumepanga ikabidi tumchukue Patoranking,” alisema Alma.

Alma aliongeza kuwa shoo hiyo itatambulika kama Friday Night Fever ambapo mwaka huu kutakuwa na utofauti na shoo nyingine kubwa zote zilizowahi kutokea nchini kutokana na staa huyo kufanya shoo ya mapema na kisha kutakuwa na kitu kinachoitwa After Party.

“Listi kamili ya wasanii watakaomsindikiza Patoranking tutaitaja lakini kwa sasa tunao wasanii kama vile Chibwa na Young D na niwaambie tu ratiba kamili ya kutua kwa Patoranking itakuwa Novemba 25, mwaka huu ambapo Novemba 26 atafanya ziara katika vyombo mbalimbali vya habari na kisha Novemba 27, shoo rasmi itaporomoshwa Escape 1.”

Tiketi zitaanza kupatikanika kuanzia Jumatatu katika maduka makubwa mbalimbali nchini kama vile Chid Mapenzi (Kinondoni), Bitebo (Mwananyamala), Clouds na Escape 1 (Mikocheni) pamoja na vyuo vyote vya jijini Dar kwa bei ya shilingi 15,000 kabla ya shoo na 20,000 mlangoni.

PICHA/STORI: ANDREW CARLOS NA MUSA MATEJA/GPL

Share on Google Plus

About Anonymous