KUPA wa Bongo Movies Apigwa Chupa Klabu

Msanii wa filamu za Kibongo, Rashid Makupa ‘Kupa’.

MSANII wa filamu za Kibongo, Rashid Makupa ‘Kupa’ hivi karibuni alikuwa katika wakati mgumu baada ya kupigwa chupa kichwani na Kundi la Panya Road lililovamia sherehe ya kuzaliwa ya msanii mwenzake, Maira Mlope.

Tukio hilo lilitokea ndani ya Klabu ya Philemon Lounge, Kinondoni-Manyanya jijini Dar ambapo lilizuka varangati baada ya kijana mmoja aliyekolea ulabu kutoka nje ya klabu hiyo na kulichokoza kundi hilo lililokuwa likipita na kulazimika kuingia ndani likiwa na silaha mbalimbali kama vile visu, bisibisi na marungu na kumkuta Kupa aliyekuwa mshereheshaji (MC).

Baada ya kuingia, Panya Road walizua bonge la timbwili ukumbini humo na kuvurumisha chupa ovyo ambapo Kupa alijeruhiwa kichwani na alipopata upenyo akakimbia.
Kona ya Bongo Movies ilimuhoji Kupa kufuatia tukio hilo ambapo alisema:
“Ohooo…kaka hapa siyo, hali ishachafuka ngoja tusepe, hebu nicheki hapa kichwani nimepigwa chupa nasikia maumivu makali sana.”

Share on Google Plus

About Anonymous